خـــــــــــــــــــــلاص

لا لا تقـول انـك مـعـذب ومـحـروم ** ترى المعذب قلبي اللى كويتـه

انت عـيونـك دايماُ تـعـرف النـوم ** قـلبك مع غيري قـطوعك عطيتـه

مـالك بنـا رغــبه ولا انت ملـزوم ** الله واكبـر ويش ذنـبٍ جنيتـه

يا ما زعمت انـك لنا دايم الـدوم ** لكن طـبوعـك نقّـضن ما حكيتـه

الـعـام تـغليني وترخـصني الـيوم ** ذا مستحيل انساه كانك نسيتـه

نـقضـت عـهـدٍ بـيننا كـان مبـروم ** عهـدٍ على نفسـك بنفسك خذيتـه

تلعـب على الحـبلين وتقول مظلـوم ** هذي نهايه دربـك اللى مشيتـه

ظـلمك على نـفسـك وتلحقني اللـوم ** يا حسـرتي وقـتٍ بحبـك قضيتـه

خـلاص لاتـرجـع تـرى الـحـب معـدوم ** خلك مع اللى بعتنا واشتريتـه

جوري صح لسانك على هذه الابيات الجملية ذات المعاني القيمة ولا املك ردا يوازي رقة وقسوة هذه الابيات الا ترديد

اخر بيت منها

ظـلمك على نـفسـك وتلحقني اللـوم ** يا حسـرتي وقـتٍ بحبـك قضيتـه

خـلاص لاتـرجـع تـرى الـحـب معـدوم ** خلك مع اللى بعتنا واشتريتـه

واكرر شكري وتقديري على حسن الصياغة الجيدة وتقبلي مروري المتواضع