بعد غياب ابن هذه العائله الكبيره في سفره للروسيا عاد اليوم يحمل امتعته وكله شوق للأهله ..
للأبوه وامه وأخيه بندر
يمه يبه وينكم ؟بندر..
الام (فزت من كرسيها ::يمه ولدي ... ولدي بدر ...
(الكل فزو وبداخلهم شوق لولدهم اللي فارقهم من خمس سنوات )
.................
لحظات صمت وحنين ...
الجميع بدأ بالسلام ....
ترحيب حار يملئه الشوق ..
ولكن فجاه قال بدر برتباك :
ابي اعرفكم .... على نيكول زوجتي.من روسيا .....
فخرجت من الباب الكبير الظخم .... امرأه فائقة الجمال
شعر اشقر ...بياض كبياض الثلج ....
ولكن ...
الجميع وضع يده على قلبه ..... مصدومين ماتراه اعينهم وماسمعت اذانهم .....
عائله كبيره ومعروفه بالرياض كلها .عن سمعتهم ومالهم اللي مايتقارن بأحد ....
فجاه ولدهم يغدر من وراهم ويتزوج بنت من اصل روسي غير عربي وبالتحديد سعوديه....
ومن عايله مايعرفون وش اصلها ...
الأبو راح عند ولده وقال بكل هدوء :
شقاعد تقول انت ؟
-(بلع ريقه وقال :
مثل ماسمعت يبه هذي زوجتي تزوجنا من سنه وهي حامل الحين بشهرها الثالث
-من ورانا ؟ وبدون ماندري ؟ وعلى بنت ماينعرف وش اصلها ؟
(وهاهو حدث مالم يحسبه اي شخص ..
اما بندر اللي واقف من بعيد يطالع بخوف وهو يسمع الصراخ من ابوه للاخوه بدر .... مايدري ليه بس عرف ان هذي زوجة اخوه ...
(وبالأخير قال ابوه بكل عصبيه وجنون ::
أطلع برا مابي اشوف رقعة وجهك .... ولاعاد انت ولدي ولا أعرفك .... فظحتني بين العالم وش بيقولون اذا درو ..
ولده تزوج من وراه على بنت ماينعرف وش اصلها ؟ بنت شوارع ....
( بدر ماتحمل وقاطع ابوه ::
يبه ماسمح لك تقول عنها بنت شوارع ...
(ماعاد قدر يستحمل الابو اللي يصير وقال :
أطلع برآ ...لا انت ولدي ولا اعرفك من اليوم ورايح ...
(طاحت الام عليهم من اللي قاعده تشوفه وتسمعه . بندر ركض للأمه وهو يبكي مايدري وش سالفتهم بالظبط بس اللي يعرفه انه خايف على امه ... يبكي :: يمه يبه شوف امي طاحت بدر...
شوفوا مي
(ركضو عند الام ..
وعلطول على المستشفى ... الكل خايف ويدعي ان ربي يسترها ....
(طلع الدكتور وسألوه بكل خوف ....
بس كانت الفاجعه عليهم لما قال :
آسف اني اقولكم ان الوالده اصابها شلل نصفي من آثار صدمه ماتحملتها ....الله يكون بعونكم وعونها يارب ....
(كانت مثل المويه البارده اللي انكبت عليهم.بدر ماتحمل يمسك دموعه اللي انسالت على خذه ..
والأب اللي جلس عالأرض ماقدر يوقف على رجوله اما بندر راح عند ابوه وقال بكل خوف ودموع ::
بابا ايش يعني شلل ؟
(مارد عليه بس بدر مسك اخوه وظمه وهو يبكي ماطولو على هالحال الا والأب يبعد بندر عن بدر ويقول بكل عصبيه وغضب جنوني :
روح باللي مايحفظك .... انت السبب بكل اللي صار ...لا عاد اشوف وجهك انا متبري منك ...
روح باللي مايحفظك ....
-(بين شهقات دموعه: يوبه تكفى لا تقسى علي كذا . انت اسمعني بالأول ...
-(قاطعه بغضب :اقولك اذلف عن وجهي
-(بتوسل جالس على الارض وماسك ثوب ابوه : يوبه تكفى لا تقسى علي-(بغضب اكبر :: لا انت ولدي ولا انا اعرفك.... روح وعيش حياتك مثل مانت تبي .... اذلف الحين عن وجهي
- بس يبه ...
(راح وتركه ومسك ايد ولده الصغير اللي مو فاهم شي غير ان ابوه زعلان على اخوه بدر )
.............
(مرت الايام والشهور ..
بدر سافر للامارات في دبي وعايش حياته بشقه صغيره مع زوجته نيكول اللي متنرفزه من الوضع الفقر ..... كانت متوقعه ان حياتها بتكون كلها فلوس بفلوس . بس صار اللي ماتبيه ...
.. رغم ان بدر يموت فيها ومعمي عن أي شي ثاني .....
صارت بالشهر التاسع ...... وعلى نهاية الاسابيع
كانت نيكول واقفه قدام النافذه وتناظر ساعتها وهي مستغربه ليش بدر تاخر للحين من الصباح مارجع؟
بس لحظات من تفكيرها الا... ورن جوالها :
هالاو.(بصرخه : وآآت .!
علطول ماحست بنفسها الا وهي بالمستشفى بتولد ...كانت تصارخ .... تبكي ....
أي نعم تبكي على زوجها اللي رحل وتركها مع اللي ببطنها .. وصلها خبر عن حادثه بالصباح وهي الحين المغرب .....
(صرخة .....
طفل خرج بالحياة.....
(لا بل اصبحت صرختان للطفلتين هاهم خرجو للحياه ....ولكـن
كانت صدمه عندما سمعو الجميع صرخة الطفل الثالث الذي الصبح ولد ...
بالقليل في حيانتا نجد ثلاث توائم .... فكيف اذا كان الربع توائم
وهذا ماحصل مع نيكول .... عندما سمعو صرخة الطفله الرابعه ؟
الممرضات منبهرين مما يرونه ...
ثلاث بنات وولد واحد توأم ؟
أول مره تحصل عندهم بالمستشفى ؟
-(بعصبيه من الدكتور : كيف مالها ملف .. الدعوه سيبه ... تولدون بدون معلومات عن الحامل ..؟
-(الممرضه بخوف: دكتور نحنا مابنعرف عنآ أنو شي ... لسا ماصحيت المريضه مشان نسألها او بندأ ع حدا من ارايبينا ....
- طيب من اللي جابها للمستشفى ؟
- واحد راعي تاكسي بيئول شافآ طايحه بالشارع وجابى للهون بسرعه ... وهوا مابيعرف عنا أي شي .؟
(الدكتور خايف ان احد يدري من المستشفى كيف يسمح للقسمه بالولاده يولد احد بدون ملف متواجد عندهم من قبل ومايعرفون أي شي عن هذي ...
في اليوم الثاني ..... جت الممرضه تركض للعند الدكتور خايفه ..
-(صرخت بخوف لما دخلت على غرفته بدون استأذان : دكتور المريضه مانآ موجودآ ...
-(برعب: كيف يعني ؟.. هربت !
-(بخوف : مابعرف بس تركت هاي الورئه على سريرآ ...
(خذ الورقه بيدين ترتجف ... اتسعت عيونه من الصدمه وهو يقرى المكتوب بخط انقلش ....
والمعنى هو :
أطفالي أبنآء بدر ابن سعد ابن محمد الـ....
(الدكتور عرف صاحب هالأسم المشهور بالرياض من تجارته الكبيره اللي كل أعماله بدبي .... معقوله هذي زوجة ولده بدر !!وهو يعرف بدر اللي دومه مع ابوه يشتغل معه بدبي
كيف ومتى محد سمع عن هالزواج ؟
ومن اجنبيه ...
بس الفاجعه الأكبر .. ان بدر أمس توفي بحادث .. معقوله هذي الأجنبيه متبليه عليه ؟
كل شي بيثبت اذا سألنا الأهل .. اما الاجنبيه واظح انها هربت من عيالها ..
بس وين بتكون؟. كل شي طاح على راس هالدكتور ...
وأمهم اللي هربت منهم .. وتبلت شخص انهم عياله ؟ شخص متوفي بعد ...
ولله مصيبه على راسك يادكتور محمد ....
لازم اتصرف قبل لا احد يعرف بهالمصيبه اللي يمكن تفصلني عن العمل بسبب اهمالي واهمال قسمي للقوانين ....
(الدكتور محمد سافر للرياض بعد مايأس من سعد انه يرد على مكالماته .... بس كانت الصدمه عالكل لما قال بكل ثقه ::
ولدي ماتزوج أصلا لا على اجنبيه ولا على عربيه ... واذا عندك اعتراض على كلامي جيب لي اوراق تثبت ان هذولي عيال ولدي بدر ..
-(الدكتور بتوتر وخوف منمشكلته اللي طاحت على راسه : بس المريضه كتبت اسم ولدك وموب معقوله تكتبه من باب للطاقه ...
-(ولله هذي مشكلتكم انا مالي شغل فيها .... واذا عندك اثباتات على صحة كلامك جب لي اوراق تثبت ان ولدي اصلا متزوج او عنده عيال من وحده اجنبيه راميه بلواها على ولدي ....والحين مااعتقد فيه كلام بينا ....
-(تنهد بصعوبه من هالمشكله اللي جت على راسه هو .... قام ثم طلع بدون ولا كلمه ...
يفكر وش راح يسوي بهالمواليد التوأم .... كيف بيلقى ابوهم .... هل هو بالفعل عيال المرحوم بدر ولا ابتلاء عليه فقط ...
(مر شهر على هالوضع والمستشفى كله درى عن هالسالفه الدكتور محمد فصلوه بعد مايأسو من وجود نسب للهالأطفال المساكين .
أما الأطفال قررو يودونهم للدار الأيتام ..
(كل من بالمستشفى ضايق صدره على حالة هالأطفال .
كل من يطل عليهم بالحضانه ينبهر بصفاء وجيه هالأطفال المتشابهين بكل حاجه .....
بريئين مظلومين ..
أمهم انحاشت وتركتهم ... وأبوهم توفي بحادث ... وجدهم تبرى منهم بكذبه محد قدر يثبت لها اوراق قانونيه ..
<<<الكل يعرف بالمستشفى عن هالقصه بس مايدرون اذا صدق هذولي عيال بدر او لا .
"""""""""""""""
(في ليله من اليالي أم وأب حالتهم تقطع القلب يبكون على توامهم المتشابكين بالراس ...
ينتظرون العمليه تنجح عائله امراتيه يعملون للتوأمهم عمليه للفصل توأم ....
بعد ساعات طويله تملئها الانتظار والخوف والدموع ....
طلع الدكتور ومعهم خبر سيئ وخبر حلو ....
التوأم.... واحد منهم عاش والله الحمد والعمليه نجحت فيه والولد الثاني توفي وماقدرو ينقذونه ....
الام انهارت ..... هذي العيله درو عن قصة أطفالنا الاربعه التوأم .... قرر الاب ياخذ الولد ويكون توام
للولدهم يعوضهم ويعوضه عن ولدهم الثاني اللي توفي .....
بعد اجرائات القانون .... قدر أب هالعائله ياخذون بطلنا توأم البنات ويربونه عندهم بالامارات ....
عائلتنا الاماراتيه تتكون من :
الأم :- زينب ..... ربة منزل .... فيها من الشطانه حقها
يعني بالمعنى (قشيرآ)
الأب:- محسن .... لآهي بمشاغله في العمل .... رغم انه مو لذاك الزود تاجر ... يعني متوسط الحال ...
-(منى :- عمرها ثلاث سنوات ..... مقعده عالكرسي ...
- ولدهم تركي توأم المرحوم .....
- أما بطلنا اللي تبنوه ..... فيصل ...
عائله جدا بسيطه لها أعمام وخوال جدا بسيطين من الناحيه الماديه ماعدا عم واحد وراح نتعرف عليهم شوي شوي من خلال قصتنا .....
"""""""""""""""""""""
عجوز عاقين فيها عيالها .. تركوها بالمستشفى وماهتمو فيها ..... سمعت عن قصة التوأم .... وقررت انها تاخذ لها بنت عالأقل تعوظها عن عيالها العاقين فيها ....
بعد الاجرائات اللي طولت كالعاده وهي صابره لانها معزمه على اللي ببالها ... وهي اصلا حبت البنت اللي تبيها رغم انها ودها تربيهم كلهم بس مو على كيفها بسبب عدم استطاعتها للصرف عليهم بمنزلها الصغير الفقير ....
وبذلك استطاعت ان تأخذها للتربيها بمنزلها الصغير في حيها الفقير ....
العجوز تدعى : موزه ...
وعيالها ثلاثه كبار ...
-(يوسف ... عمره 32 سنه ... متزوج من الجازي وعندهم ثلاث عيال صغار .....
-(ماجد ..... عمره 28 سنه متزوج من مي .... وعندهم بنت وولد ....
-(فهد ..... وعمره 20 سنه يحب له بنت اسمها رنيم وناوي يتزوجها ....
(وكل واحد الشر من الثاني )
أما بطلتنا اللي سمتها :
( ليـان )
"""""""""""""""""
أما الدكتور محمد ..... اللي فصلوه من عمله قرر انه ياخذ وحده من البنتين ويربيها .....وهو ماعنده غير بنت ولد واحد ....
زوجته اسمها : مها .... مهمله لبيتها ولزوجها وحتى لولدها .... وكانت اول من يعارض فكرة التبني .... خاصتا للبنت ماينعرف وش اصلها ...
بس محمد ماعليه منها وطنشها وهو معزم انه يربي وحده من ابطال قصتنا ....
ولدهم بنفس عمر أبطالنا لأنها ولدت بنفس شهر توأمنا .... واسمه مشاري .....
لما انتهت الاجرائات ..... قرر يسميها محمد ....
( نـارآ )
عايشين في شقه بعماره من خمس ادوار .....
بسيطه ومتواظعه الشقه ....
وحياتهم جدا متواظعه وبسيطه زود بعد مانفصل من عمله وراح يدور له وظيفه بأي مستشفى ثاني ..
"""""""""""""""""
بقي في المستشفى طفله وحده من ابطالنا ..... الكـل متعاطف معها كيف انو مافي احد جى يتبناها ويربيها عنده ....
كل الممرضات يمرون على هالطفله ويهتمون فيها تعاطف معها لانهم عارفين ومتاكدين انها راح تروح للدار الايتام ...
بهالمستشفى فيه دكتوره نفسانيه ..... متعاطفه مع هالطفله البريئه المظلومه من قصتها الغير معروفه .....
دكتوره الرمله ....... وارثه من زوجها المال الكثير ... زود على مكانتها بالدكتوراه النفسانيين ....
دكتوره ليلى ....
اليوم راح يجون أصحاب الميتم وياخذونها ...
بهالوقت وفي هالساعه دخلو أصحاب الميتم بياخذون الطفله عندهم .....
دكتوره ليلى واقفه من بعيد وعيونها غرقانه دموع ماتدري ليه هالبنت داخله قلبها ....
كل الممرضات حبو هالبنت الرضيعه بما انها جلست معهم اكثر من توامها .... شالوها مع اغراظها من المستشفى ولفوها ببطانيه صغيره ورديه ..
بس فجأه الدكتوره ليلى راحت تركض عندهم وسحبت البنت منهم وضمتها للصدرها الحنون ..... ودموعها على خدها صافيه ....
قررت بدون تردد هي اللي تربي هالبنت .....
وسمتها : ( توليــن )
وبالفعل ..... انتهت الاجرائات حول موضوع التبني طبعا ماتنحسب بعايلتها ..
( تطبيقا للأسلام وأحكامه للكل ابطالنا .. أسماء بنسب مجهول .....
:
موضوع: تؤام ولكن اغراب في جامعه امريكيه 
الأربعاء نوفمبر 11 2009, 15:14
