كل ماجيت أسألك عن سر دمعاتك بكيت
ماقدرت أشوف عينك بالمدامع تختنق !
لاتجاملني وتضحك .. واضحه لوما حكيت
لاتصور لي حكايه من فراغ وتختلق
كل مافيك يتكلم حتى في صمتك لقيت
أن سهم البعد نافذ وابتدينا نفترق !
ويش أقول لدمع عينك والقصور اللي بنيت؟
وكيف أصبر قلبي اللي بين أيديك ويحترق؟
أدري انه غصب عنك وأدري انك مانويت
و أدري انه في زمنا حتى (حلمك) ينسرق !!
بس لاتبكي طلبتك وسوى نفسك مادريت
والا انا حظي وأعرفه .. مع زماني متفق
لابغيت أفرح ثواني قلت ..
ليت وليت ليت ! ليتني...؟
وباقي كلامي وسط صدري يختنق ..
أمسح دموعك فديتك وأبتسم لامن طريت
وجيت في بالك وقل لي كان لازم نفترق
موضوع: ليش كل ما سألتك عن سر دمعاتك بكيت 
الأربعاء يناير 20 2010, 15:42
