كل ما حولك يا بني آدم وهم
حتى الوجيه الصادقة .. تلبس أقنعه
لا تصدق أي كلمة .. لا تصدق كل كلمة
أتعبني وياك الأمل
أتعبني من سبايبك الألـم
كل الوجوه تلبس أقنعه
والمشكلة ..
قلبي الحاير .. قلبي الصادق
من يقنعه ..!!
وش بقى ما تعلمه .. من بقى يجلس معه
بلا رتوش .. بلا خدوش
وبلا براويز مجمعه
من علمه ..؟؟
اشلون يكذب .. ووشلون يخون
ويصافح كفوفٍ .. يدري إنها مجمده
يدري إنها معلبه .. ومصنعه
من أجبره ..!!
يضحك .. وقلبه غارقٍ في مدمعه
وش يجبره ..!!
إنه يصير .. داومةٍ في زوبعه
أو صرخةٍ .. في معمعه
تعب يسمع .. وكل ما حوله
مُجرَّد قصص ومصوَّره
تعب يقرا قصةْ حياه كانه ضرير
ويمشي ورى إصبعه
تعب يجمع صورهم .. تعب يتأمل ملامحهم
وهو يدري .. إنها مجرد أقنعه
إنها مجرد صور .. ومرقعه
كل ما حولك يا بني آدم وهم
حياتنا مجرد كتاب .. صفحاته الأيام
ومحتواه
غباءنا .. واحقادنا .. و كرهنا
ونغلفه بالاقنعه
ودموعنا .. وآلامنا .. وحسراتنا
هي الثمن
اللي لابد نجمعه
لاجل نقدر نطبعه .. ونوزعه
وكل جيل .. لابد يجي ولابد ياخذ طبعته
مثله .. مثل الإمعه
كل ما حولك يابني آدم وهم
حتى الوجيه الصادقه .. تلبس أقنعه
لا تصدق أي كلمة .. لا تصدق .. كل كلمة
أتعبني وياك الأمل .. أتعبني من سبايبك الألـم
كل الوجيه تلبس أقنعه
والمشكلة ..
قلبي الحاير .. قلبي الصادق
من يقنعه ..!!
رآآقتــ ,,ليــ ,,
موضوع: قلبي الحاير ..! من يقنعه؟ 
الجمعة أغسطس 07 2009, 19:33
ف
